Pune News : मुरूम उत्खननावरून करमाळ्यातील महिला आयपीएस अधिकारी डीएसपी अंजना कृष्णा आणि उपमुख्यमंत्री अजित पवार यांच्यात फोन आणि व्हिडिओ कॉलवरून वाद झाले. त्यानंतर या प्रकरणाचे व्हिडिओ सोशल मीडियावर प्रचंड व्हायरल झाले. या प्रकरणानंतर अजित पवार हे महिला आयपीएस अधिकाऱ्याला धमकावत असल्याचं सांगत विरोधकांनी थेट अजित पवारांवर कारवाईची मागणी केली. आता राष्ट्रवादी काँग्रेस शरदचंद्र पवार पक्षाच्या खासदार सुप्रिया सुळे याही अंजना कृष्णा यांच्या पाठिशी खंबीरपणे उभ्या राहिल्या आहेत.
आयपीएस अंजना कृष्णा प्रकरणावर अजित पवार यांनी यापूर्वीच स्पष्टीकरण दिले आहे. मात्र याच दरम्यान राष्ट्रवादी काँग्रेसचे आमदार अमोल मिटकरी यांनी अंजना कृष्णा यांच्या कागदपत्रांची तपासणी करण्याची मागणी करणारे पत्र केंद्रीय लोकसेवा आयोगाला लिहिले होते. त्यामुळे वाद आणखी चिघळला. मात्र अजित पवारांनी याबाबत खुलासा केल्यानंतर अमोल मिटकरी देखील बॅक फुटवर आले आणि त्यांनी सोलापूर घटने संदर्भात केलेला ट्वीट मी बिनशर्त मागे घेऊन दिलगिरी व्यक्त करत असल्याचं सांगितलं.
या वादात उडी घेत राष्ट्रवादी काँग्रेसच्या पुण्यातील महिला नेत्या रूपाली पाटील ठोंबरे यांनी आयपीएस अधिकारी अंजली कृष्णा यांना थेट कोर्टामध्ये खेचण्याची भाषा केली. आता उपमुख्यमंत्री अजित पवार यांच्या पक्षातील या नेत्यांना सुप्रिया सुळे यांनी चांगलंच सुनावलं आहे. पुण्यात माध्यमांशी बोलताना सुप्रिया सुळे यांनी अंजना कृष्णा यांचे कौतुकही केले.
खासदार सुळे म्हणाल्या, सोलापूरची आयपीएस महिला अधिकारी या लेकीचा मला सार्थ अभिमान आहे. ती तिच्या मेरिटवर जाऊन काम करत आहे. एकीकडे बेटी बचाव बेटी पढाव म्हणायचं आणि दुसरीकडे लेकींना अशी गलिच्छ वागणूक द्यायची हे आपल्याला शोभणार नाही.
एक आयपीएस अधिकारी जी तिच्या मेरीटवर पास झालेली आहे. ती निष्ठेने तीच काम करत आहे. मात्र तिच्या विश्वासार्हतेवर प्रश्नचिन्ह उपस्थित केलं हे दुर्दैव आहे. बाकीचे लोक कॉपी करून पास होतील मात्र त्या महिला अधिकारी देशात 335 रँक घेऊन पर राज्यातून त्या ठिकाणी आले आहेत. त्या कोणत्याही परिवारवादातून नाही आल्या नसल्याचा टोला सुप्रिया सुळेंनी लगावला.
कुठे बेकायदेशीर काम सुरू आहे, तिथे पोलिसांनी जायचं नाही का? आता तुम्ही पोलिसांना पण जाब विचारणार का? असा सरकारला सवाल करत जी कारवाई झाली ती योग्यच होती, असं जिल्हाधिकाऱ्यांनी देखील सांगितलं असल्याचं सुप्रिया सुळे यांनी स्पष्ट केलं. एका सुसंस्कृत महिला पोलीस अधिकाऱ्याला न्याय मिळणे आवश्यक आहे. यासाठी या सर्व गोष्टींची पारदर्शकपणे चौकशी झाली पाहिजे, अशी आमची मागणी आहे. मात्र जर इमानदार लोकांना सरकारने त्रास दिला तर आम्ही रस्त्यावर उतरून जनआंदोलन करू, असा इशारा देखील सुप्रिया सुळे यांनी दिला आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.