NCP Politics : स्थानिक स्वराज संस्थांच्या निवडणूका महायुतीमधील मित्रपक्ष स्वबळावर लढण्याच्या तयारीत असल्याचे चित्र आहे. भाजपच्या ठाण्यातील बैठकीत पदाधिकाऱ्यांनी स्वबळाचा नारा दिला. तर, राष्ट्रवादीच्या वर्धानपन दिनाच्या तयारीसाठी आयोजित केलेल्या बैठकीत अजित पवारांनी देखील स्वबळाचे संकेत दिले आहेत.
अजित पवार म्हणाले, 'युतीची वाट न पाहता कामाला लागा. पक्षाचा राष्ट्रीय अध्यक्ष म्हणून मी तुम्हाला जागा करायला आलो आहे. पुणेकरांना चेहरा हवा असतो अन् माझा चेहरा बरा आहे. म्हणून माझ्या चेहऱ्यावर पुणे आणि पिंपरी-चिंचवड महापालिकेची निवडणूक आपण लढविणार आहोत. माझा चेहरा घेऊन जा.'
स्थानिक स्वराज संस्थाच्या निवडणुका महायुतीच्या माध्यमातून लढायच्या की स्वबळावर याचा निर्णय राज्य पातळीवर होईल. पण तुम्ही वाट न पाहता कामाला लागा. प्रत्येक वॉर्डात राष्ट्रवादी काँग्रेस दिसली पाहिजे," असे सूचक वक्तव्य अजित पवार यांनी केले.
पुणे महापालिकेसाठी राष्ट्रवादी काँग्रेसने मंत्र्यांवर जबाबदारी दिली आहे. पुणे शहरातील आठ मतदारसंघानिहाय प्रत्येक मतदारसंघाची जबाबदारी एका एका मंत्र्यावर देण्यात आली आहे. प्रत्येक मतदारसंघात मेळावे घेतले जातील तसेच तरुण, महिलांना यावेळी संधी दिली जाईल, असे अजित पवार म्हणाले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.