Pune news : पुण्यात विचित्र अपघात; तब्बल 48 वाहने एकमेकांना धडकली

Pune news : पुण्यातील (Pune) नवले पूल येथे अपघाताची मालिका अद्यापही सुरू आहे. आज (ता. २०) पुन्हा कंटेनरचा ब्रेक निकामी झाल्याने अपघात झाला. यात सुमारे ४० ते ४८ गाड्या एकमेकावर आदळल्या आणि सुमारे 40 ते 50 जण जखमी झाल्याची प्राथमीक माहिती मिळत आहे.

अपघातात जखमी झालेल्यांवर जवळच्या खासगी रुग्णालयात उपचार सुरू आहेत. साताऱ्याहून मुंबईच्या दिशेने जात असलेल्या कंटेनरचा ब्रेक निकामी झाल्याने चालकाचे त्यावरील नियंत्रण सुटले. त्यामुळे कंटेनर पंचवीस ते तीस गाड्यांना उडवत वाडगाव पुलाजवळ जाऊन आदळला. यात सुमारे ४० ते ५० जण जखमी झाल्याची माहिती मिळत आहे.

जखमींना खाजगी रुग्णालयात उपचार सुरू केले आहे. अपघातस्थळी (accident) सिंहगड तसेच दत्तवाडी पोलिस ठाण्याचे अधिकारी उपस्थित झाले आहेत. सुमारे 12 ते 15 रुग्णवाहिका देखील अपघातस्थळी दाखल झाल्या आहेत. अपघात इतका भीषण होता ४० ते ४८ गाड्या एकमेकांवर आदळल्या.

साताऱ्याहून मुंबईच्या दिशेने जाताना सुमारे दोन ते तीन किलोमीटर पर्यंत वाहनांच्या रांगा लागल्या आहेत. परिणामी माहामार्गावर मोठी वाहतूक कोंडी झाली आहे. पोलिसांकडून (Police) युद्धपातळीवर बचावकार्य आणि महामार्गावरुन वाहने बाजूला करण्याचे काम सुरु आहे.