Devendra Fadnavis : पुणे विमानतळाला संत तुकाराम महाराजांचे नाव, देवेंद्र फडणवीसांची घोषणा

Devendra Fadnavis News : पुणे विमानतळाला संत तुकाराम महाराजांचे नाव देण्याविषयी सुतोवाच मंत्री मुरलीधर मोहोळ यांनी केले होते. त्यानंतर आज (शनिवारी) उपमुख्यमंत्री देवेंद्र फडणवीस यांनी पुणे विमानतळाला संत तुकाराम महाराज यांचे नाव देण्याचा ठराव करून तो केंद्र सरकारकडे पाठवणार असल्याचे जाहीर केले.

देवेंद्र फडणवीस म्हणाले, खासदार मुरलीधर मोहोळ यांनी जगतगुरू संत तुकाराम महाराज यांचं नाव पुणे विमानतळाला देण्याचा प्रस्ताव सरकारला दिला होता. तो आम्ही स्वीकारला आहे. कॅबिनेटमध्ये या प्रस्तावाला मंजुरी मिळेल

विमानतळाला संत तुकाराम महाराज याचे नाव देण्याची संकल्पना खासदार मुरलीधर मोहोळ यांनी मांडली होती. त्यावर तात्काळ काम आम्ही सुरू केलं आहे.जगदगुरू तुकाराम महाराजांचं नाव विमानतळाला दिले तर त्याचा सगळ्यांना आनंद होईल,असे देवेंद्र फडणवीस म्हणाले.

आम्ही मंजुर केलेलं प्रस्ताव केंद्रात मंजूर करून घेण्याची जबाबदारी मुरलीधर मोहोळ आणि नितीन गडकरी यांची असेल असे देखील फडणवीसांनी यांनी सांगितले.

दरम्यान, पुण्यातील एका कार्यक्रमात बोलातना केंद्रीय मंत्री नितीन गडकरी म्हणाले, पुण्यातील नवीन विमानतळाचे काम चांगले झाले असून या नवीन विमानतळाला जगद्गुरू संत तुकाराम महाराज यांचे नाव देण्याबाबतच्या प्रस्तावाला मंजुरीसाठी प्रयत्न करण्यात येतील.