Tukaram Mundhe यांच्या कामाचा धडाका सुरू ; अनुपस्थित डॉंक्टरांवर कारवाई करणार

पुणे : आरोग्य विभागाचा कार्यभार हाती घेताच तुकाराम मुंढे (tukaram mundhe) यांनी कामाचा धडाका सुरू केला आहे. (tukaram mundhe latest news)

पुणे विभागातील काही प्राथमिक आरोग्य केंद्रांमध्ये आरोग्य विभागाच्या अधिकाऱ्यांनी काल (गुरुवारी) रात्री तपासणी केली. कर्मचारी वेळेवर उपस्थित राहतात की नाही याची माहिती मुंढे यांनी घेतली.

राज्यातील प्राथमिक आरोग्य केंद्र, ग्रामीण रुग्णालय, जिल्हा रुग्णालय येथे रात्रीच्या वेळी आरोग्य उपसंचालक, जिल्हा आरोग्य अधिकारी यांच्यासह वरिष्ठ डॉक्टरांकडून धाडसत्र सुरु आहे. डॉक्टर उपस्थित नसल्यास जागेवरच निलंबित करण्याची कारवाई करण्यात येणार आहे.

गुरुवारी रात्री दीड वाजण्याच्या सुमारास त्यांनी आळंदी, वाघोली येथील ग्रामीण रुग्णालयात तपासणी केली, तेथे डॉक्टर उपस्थित असल्याने कारवाई टळली. ग्रामीण भागात गाव पातळीवर आरोग्यसुविधा पुरविण्यासाठी आरोग्य विभागाने उत्कृष्ठ कामाची अपेक्षा मुंढे यांनी व्यक्त केली आहे.