पुणे : राष्ट्रवादी कॉंग्रेसचे माजी आमदार बापू पठारे यांच्या सुनेने राज्य महिला आयोगाकडे आपला छळ होत असल्याची आणि जीवाला धोका असल्याची तक्रार केली होती. या तक्रारीवर पोलिसांनी आरोपींवर कारवाई न केल्याने या सुनेने थेट मुख्यमंत्री देवेंद्र फडणवीस यांच्याकडे भर सभेत तक्रार केली. या घटनेचा व्हिडीओ सध्या सर्वत्र व्हायरल झाला आहे.
या सुनेने राज्य महिला आयोगाकडे या संबंधी सुरवातीला तक्रार दिली होती. त्यानंतर आयोगाने चौकशीही केली. तसेच पोलिसांनी योग्य ती कारवाई करावी, असा आदेश पोलिसांनी दिला. पोलिसांनी तक्रारही दाखल करून घेतली. मात्र आरोपींना अटक केली नाही.
गेल्या चार दिवसांपुर्वी बापू पठारे यांच्यासह कुटुंबियांवर तसेच पिडीतेच्या आई वडीलांविरोधात चंदननगर पोलीस ठाण्यात गुन्हा दाखल करण्यात आला आहे. त्यांना अद्याप अटक करण्यात आलेली नाही.
चंदननगर येथे काल (मंगळवारी) मुख्यमंत्र्यांची भाजपचे उमेदवार गिरीश बापट यांच्या प्रचारासाठी सभा झाली. त्यावेळी सभेत चौथ्या रांगेत पिडीत महिला बसली होती. महिलेने पिशवीत माईक आणला होता. तोंडाला कापड बांधून त्यांनी मुख्यमंत्र्यांचे भाषण सुरु होताच मला न्याय हवा आहे अशी दाद मागितली. त्यानंतर मुख्यमंत्र्यांनी त्यांना ताई थोड्या वेळाने येऊन भेटा असे सांगितल्यावर त्या खाली बसल्या. त्यावेळी पोलिसांची मात्र चांगलीच धांदल उडाली होती. पोलिसांनी महिलेला लागलीच गराडा घातला. मात्र मुख्यमंत्र्यांनी त्यांना बाजूला जाण्यास सांगितले. सभा संपल्यानंतर बापू पठारे यांच्या सुनेने मुख्यमंत्र्यांना भेटून आपली समस्या मांडली.
पोलिसांनी आरोपींचा तपास सुरू असून बापू पठारे यांनी जामीन मिळाला असल्याचे कळाले असून, त्यांना संध्याकाळी चौकसीसाठी बोलविल्याचे पोलिस निरीक्षक कृष्णा इंदलकर यांनी सांगितले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.