माजी राज्यमंत्री दत्तात्रय भरणे यांना मातृशोक

वालचंदनगर : माजी राज्यमंत्री दत्तात्रय भरणे यांच्या मातोश्री गिरिजाबाई विठोबा भरणे (Girijabai Vithoba Bharne) (वय ८३) यांचे वृद्धापकाळाने आज (शुक्रवारी) निधन झाले आहे.

दत्तात्रय भरणे यांचे गाव इंदापूर तालुक्यातील भरणेवाडी आहे. त्यांच्या आईंला गिरिजाबाई उर्फ जिजी या नावाने ओळखले जात होते. त्यांना धार्मिक व सामाजिक कार्याची आवड होती. गेल्या काही दिवसांपासून त्या आजारी होत्या. दत्तात्रय भरणे यांचे वडील विठोबा यांचे गेल्या दीड वर्षांपूर्वी निधन झाले आहे.

गिरिजाबाई यांच्या पश्चात रामचंद,आबासाहेब,मधुकर व दत्तात्रय ही चार मुले तर साळुबाई,कुसुम व हिराबाई अशा तीन मुली,सूना नातवंडे असा परिवार आहे. गिरिजाबाई यांचे पार्थिव अंत्यदर्शनासाठी ठेवण्यात आले असून दुपारी २ वाजता भरणेवाडी येथील निवासस्थानानजिक त्यांच्या पार्थिवावर अंत्यसंस्कार होणार आहे.