Kasba By-Poll Electon : शेवटचे काही मिनिटे शिल्लक असताना मोठी गर्दी : मतदान न करताच काही जण परतले!

Kasba By-Poll Electon : मतदानाची वेळ संपल्यानंतर कसब्यातील विनोबा भावे शाळेमध्ये मतदानासाठी गर्दी झाली आहे. गंज पेठ इथल्या मतदान केंद्रावर मतदानाची वेळ संपून गेल्यावर मतदारांची लांबच लांब रांगा पाहायला मिळत आहे. सकाळपासून मात्र याच मतदान केंद्रावर शुकशुकाट पाहायला मिळायला होता. पण, जसजसा मतदानाचा वेळ संपत आला, मतदारांच्या रांगांची लांबी देखील वाढताना दिसत आहेत.

गंज पेठ येथील मतदान केंद्रावर ऐनवेळी मतदार बाहेर पडले. मतदानासाठी शेवटचे काही तास शिल्लक असताना, येथे मोठी रांग पाहायला मिळाली. मात्र सहा वाजता मतदान थांबणार यामुळे पोलिस व निवडणूक कर्मचाऱ्यांनी मतदारांना केंद्रापर्यंत पोहचवण्याची घाई केली. रांगा लागलेल्या लोकांपैकी अनेकांना मतदानाचा अधिकार बजावणयासाठी तातडीने मतदान केंद्रापर्यंत पोहचवले.

मतदार उशीरा पोहचल्यामुळे अनेकांना मतदान करता आले नाही. रांगेतून अनेक मतदार मतदान न करताच निघून गेले. यामुळे काही मतदारांची निराशा झाली. यामुळे काही अंशी मतदानाच्या टक्क्यावर परिणाम होण्याची शक्यता आहे.