MLC Election News : स्थानिक स्वराज संस्थामधून विधान परिषदेसाठी होत असलेली निवडणूक महाविकास आघाडीने लढण्याचा निर्णय घेतला आहे. 17 जागांच्या वाटपाबाबत महाविकास आघाडीत बैठक आज झाली. पुण्याची जागा कोणाकडे राहणार याची उत्सुकता असताना राष्ट्रवादी काँग्रेस शरदचंद्र पवार पक्षाने पुण्याची जागा लढण्याचा निर्णय घेतला आहे.
दरम्यान, 'साम टिव्ही'ने दिलेल्या वृत्तानुसार, शरद पवारांच्या राष्ट्रवादीकडून शहराध्यक्ष श्रीकांत पाटील हे ही निवडणूक लढवणार. ते आज विधान परिषदेसाठी उमेदवारी अर्ज दाखल करणार असल्याची माहिती आहे.
'साम'च्या वृत्तानुसार, श्रीकांत पाटील यांना उमेदवारी अर्ज दाखल करण्याचे शरद पवारांचे आदेश आहे. शरद पवारांनी श्रीकांत पाटील यांना फोन केला होता. त्यानंतर आज ते आपला अर्ज दाखल करणार आहेत.
महायुतीमध्ये पुण्याची जागा ही सुनेत्रा पवार नेतृत्व करत असलेल्या राष्ट्रवादी काँग्रेसला मिळण्याची शक्यता आहे. या पक्षाचे सर्वाधिक सदस्य स्थानिक स्वराज संस्थेमध्ये आहेत. या पार्श्वभूमीवर ही जागा सुनेत्रा पवार यांच्या राष्ट्रवादीकडे असेल असे निश्चित मानले जात आहे.
सुनेत्रा पवार येथे कोणाल उमेदवारी देणार याची चर्चा सुरू असताना शरद पवारांच्या राष्ट्रवादीकडून श्रीकांत पाटील हे मैदानात असणार आहेत. त्यामुळे या जागेवर राष्ट्रवादी विरुद्ध राष्ट्रवादी असा सामना होण्याची शक्यता आहे.
पुण्याची जागा महायुतीमध्ये भाजपला मिळावी यासाठी पुण्यातील नेत्यांकडून प्रयत्न करण्यात येत आहेत. पुण्यातील नेत्यांनी मुख्यमंत्री देवेंद्र फडणवीस यांची भेट घेत ही जागा भाजपकडे ठेवण्याची मागणी केली आहे. मात्र, संख्याबळ पाहता ही जागा सुनेत्रा पवारांच्या नेतृत्वातील राष्ट्रवादीकडे कायम राहणार असल्याचे दिसते आहे.
महाविकास आघाडीत जागा वाटपचा फाॅर्म्युला ठरला आहे. काँग्रेस आठ जागांवर लढणार आहे. तर, शरद पवारांची राष्ट्रवादी तीन जागांवर लढणार आहे. तर, ठाकरेंची शिवसेना चार जागांवर लढणार आहे. पुणे आणि ठाण्याची जागा ही शरद पवारांची राष्ट्रवादी लढणार आहे.
सुनेत्रा पवार यांनी माध्यमांशी बोलातना स्पष्ट केले की, महायुतीमध्ये ज्या ठिकाणी आमच्याकडे आकडे आहेत ती जागा आम्हाला मिळावी अशी आमची अपेक्षा आहे. तीन जागांची मागणी आम्ही केली आहे. सकारात्मक निर्णय होईल, असी आमची अपेक्षा आहे. असे देखील त्यांनी सांगितले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.