Sharad Pawar Greets PM Modi : व्यासपीठावर पोचताच शरद पवार अन॒ नरेंद्र मोदी रमले हास्यविनोदात...

Pune : पंतप्रधान नरेंद्र मोदी यांनी आज (ता. १ ऑगस्ट) लोकमान्य टिळक पुरस्कार देऊन गौरविण्यात येणार आहे. त्या कार्यक्रमासाठी मोदी हे व्यासपीठावर ज्येष्ठ नेते शरद पवार यांच्यात हास्यविनोद रंगला आणि कॅमेऱ्याने तो अचूकपणे टिपला. (Narendra Modi and Sharad Pawar on the same platform in Pune)

पुण्यातील एसपी महाविद्यालयाच्या मैदानावर पंतप्रधान नरेंद्र मोदी (Narendra Modi) यांना लोकमान्य टिळक पुरस्कार देण्यात येत आहे. त्यासाठी मोदी आज पुण्यात आहेत. मोदी हे व्यासपीठावर येण्याआधी राज्यपाल रमेश बैस, मुख्यमंत्री एकनाथ शिंदे, उपमुख्यमंत्री देवेंद्र फडणवीस, अजित पवार, शरद पवार (Sharad Pawar), सुशीलकुमार शिंदे, रोहित टिळक उपस्थित होते.

व्यासपीठावर पोचताच मोदी यांनी सर्वांशी हस्तांदोलन केले. पवारांशी हस्तांदेालन करताना दोघांमध्ये हास्यविनोद रंगला होता. शेजारी उभे असलेले माजी मुख्यमंत्री सुशीलकुमार शिंदे हेही त्यात सामील झाले होते.

दरम्यान, मोदी यांनी पुण्यात पोचताच प्रथम दगडूशेठ हलवाई गणपतीला अभिषेक करून दर्शन घेतले. त्यानंतर मोदी हे एसपी महाविद्यालयाच्या मैदानावर पोचले. दरम्यान, मोदी यांना पुरस्कार देण्याला काँग्रेस, राष्ट्रवादी आणि शिवसेनेच्या लोकांनी विरोध केला.