Sugar factory election : राष्ट्रवादीचे आमदार अशोक पवारांच्या पॅनलची विक्रमी विजयाकडे आगेकूच

Sugar factory election : शिरूर (Shirur) तालुक्यातील रावसाहेबदादा पवार घोडगंगा (Ghodganga) सहकारी साखर कारखान्याच्या (Sugar Factory) संचालक मंडळासाठी (ता. ६ नोव्हेंबर) ७१. ६६ टक्के मतदान झाले होते. त्याची मतमोजणी आज सुरु आहे. यामध्ये राष्ट्रवादी काँग्रेसच्या पॅनलने आघाडी घेतली आहे.

घोडगंगा सहकारी साखर कारखान्याच्या पंचवार्षिक निवडणुकीत राष्ट्रवादी काँग्रेस (NCP) पुरस्कृत शेतकरी विकास पॅनलने विक्रमी मताने विजयाकडे वाटचाल सुरू केले आहे. सर्वपक्षीय किसान क्रांती पॅनलचा दारूण पराभव पत्करावा लागत आहे.

फक्त किसान क्रांती पॅनलचे पॅनल प्रमुख दादापाटील फराटे यांचा निसटत्या 155 मताने विजय झाला आहेत. ऊस उत्पादक गट क्रमांक एक मांडवगण फराटा :संभाजी फराटे ७१८०( विजय) दादासाहेब फराटे ६९३८ (विजय)- किसान क्रांती पॅनल. दिलीप फराटे -६७८४, बाळासाहेब फराटे -५८६६ मतांनी पराभूत झाले.

गट क्रमांक दोन इनामगाव : सचिन मसाले -7768, नरेंद्र माने -7452, दोघेही विजयी, तात्या घाडगे- ५९३८, मच्छिंद्र थोरात -5755 (दोघेही पराभूत ) गट क्रमांक. तीन वडगाव रासाई ॲड. अशोक रावसाहेब पवार-८१४२ विक्रमी मतांनी विजयी झाले आहेत. उमेश सुदामराव साठे-7409 मताने विजय, वीरेंद्र शेलार 5744, सुभाष शेलार 5417 दोघेही पराभूत झाले आहेत.

राष्ट्रवादी काँग्रेस पुरस्कृत शेतकरी विकास पॅनलने पाच जागा विक्रमी मताने जिंकत विजयाकडे वाटचाल सुरू केली आहे. मताचा फरक पाहता शेतकरी विकास पॅनलचे 19 उमेदवार विजय होतील, अशा प्रकारचे सध्याचे चित्र आहे. राष्ट्रवादी कॉंग्रेस पुरस्कृत शेतकरी विकास पॅनेल व भाजपसह विरोधकांच्या घोडगंगा किसान क्रांती पॅनेल मध्ये सरळ सामना रंगला. त्यामध्ये राष्ट्रवादीचे आमदार अशोक पवार (Ashok Pawar) याचे पॅनल बाजी मारताना दिसत आहे.