'मटका लागला म्हणजे काही होत नाही' : काकडेंच्या आकड्यावर जावडेकरांचे भाष्य

पुणे : "युती झाली नाही तर भाजप प्रदेशाध्यक्ष रावसाहेब दानवे यांचा लोकसभा निवडणुकीत पराभव होईल", असे भाकीत करणाऱ्या खासदार संजय काकडे यांच्या वक्तव्याला केंद्रीय मंत्री प्रकाश जावडेकर यांनी भाष्य केले. 'मटका लागला म्हणजे काही होत नाही', अशा शब्दांत जावडेकर यांनी खासदार काकडेंच्या आकड्यांवर भाष्य केले.

आगामी लोकसभा निवडणूक आणि विरोधकांची कोलकाता येथे झालेल्या रॅलीवर प्रतिक्रिया देण्यासाठी जावडेकर यांनी पुण्यात पत्रकार परिषद आयोजित केली होती, त्यावेळी ते बोलत होते.

काकडे यांच्या भाकीतावर शहराध्यक्ष योगेश गोगावले यांनी पत्रक काढल्याचे सांगत 'मी असल्या भाकीतांवर बोलत नाही', असे सांगत यावर अधिक भाष्य करणे जावडेकर यांनी टाळले. काकडेंच्या भाकितावर बोलणे टाळल्यानंतर त्यांना महापालिकेच्या निवडणुकीत खासदार काकडे यांचे आकडे खरे ठरले होते, असा प्रश्न विचारला गेला, त्यावर जावडेकर म्हणाले, 'मटका लागला म्हणजे काही होत नाही'.