Pune Mayor Election : मोठी बातमी! पुणे महापौर पदाची निवडणूक लांबणीवर; फेब्रुवारीत 'या' तारखेला होणार फैसला!

Mayor Election Update : महपौर आरक्षणाच्या सोडतीनंतर पुणे महापालिका महापौर पदी कोणाची निवड होणार याची उत्सुकता होती. महापौर पदासाठी निवडणूक जानेवारी अखेरपर्यंत होण्याची शक्यता वर्तवली जात होती. मात्र, महापौर आणि उपमहापौर निवडणुकीची तारीख समोर आली आहे. त्यानुसार 6 फेब्रुवारील महापौर पदाची निवडणूक होईल.

महापालिकेने विभागीय आयुक्तांना महापौर निवडी प्रक्रियेसंदर्भात पत्र पाठवले होते. त्यामुळे 26 जानेवारीनंतर दोन दिवसात ही प्रक्रिया राबवून महापौर आणि उपमहापौरांची निवड केली जाईल, असे बोलले जात होते. मात्र, विभागीय आयुक्तांशी झालेल्या चर्चेनंतर आता 6 फेब्रुवारीला महापौर पदाची निवडणूक होणार आहे.

महापालिका प्रशासनाकडून 6 तारखेला पहिली विशेष सभा सकाळी होणार ११ वाजता बोलवण्यात आली आहे. या सभेत महापौरांची निवड करण्यात येणार आहे. महापौर पद सर्वसाधारण महिलेसाठी राखीव आहे.

भाजपकडून कोणाला संधी?

भाजप कोणाला संधी देणार याची उत्सुकता असणार आहे. तर, विरोधी पक्ष नेत्यासाठी राष्ट्रवादी काँग्रेस अनुभवी नेत्याला संधी देणार असल्याची चर्चा आहे. तर, उपमहापौर पदासाठी गणेश बीडकर, धीरज घाटे, श्रीनाथ भिमाले यांची नावे चर्चेत आहे