Sunetra Pawar Video : अजितदादांच्या विमान अपघात अहवालावर सुनेत्रा पवारांची पहिली प्रतिक्रिया, म्हणाल्या, 'तो संपूर्ण...'

Sunetra Pawar News : उपमुख्यमंत्री अजित पवार यांचे 28 जानेवारीला विमान अपघातामध्ये निधन झाले. विमान अपघाताविषयी वेगवेगळे प्रश्न निर्माण केले जात आहे. आमदार रोहित पवार यांनी या अपघाताच्या प्राथमिक अहवालावर प्रश्नचिन्ह उपस्थित केले आहे.

अजितदादांचे पुत्र जय पवार यांनी देखील या अहवालाविषयी नाराजी व्यक्त केली आहे. तो सोमवारी पत्रकार परिषद घेत सविस्तर भूमिका मांडणार आहेत. दरम्यान, या अहवालाबाबत उपमुख्यमंत्री सुनेत्रा पवार यांनी प्रथमच वक्तव्य केले आहे.

पुण्यामध्ये पत्रकारांनी अजितदादांच्या अपघाताबाबत विविध शंका उपस्थित करण्यात येत आहे. याबाबत विचारले असता सुनेत्रा पवार म्हणाल्या, 'अजित पवार यांच्या अपघात प्रकरणाचे अनेक एजन्सी मार्फत चौकशी सुरू आहे. आता प्राथमिक अहवाल आला आहे. तो संपूर्ण अहवाल नाही. त्यामुळे मला असं वाटतं की सगळे अहवाल आल्यानंतर आपण याच्यावर बोलू शकतो.'

दरम्यान, पार्थ पवार यांची राज्यसभेवर बिनविरोध निवड होत आहे. त्यांना कोणता सल्ला द्याल असे विचारले असता त्या म्हणाल्या, राज्यसभा उच्च आणि अतिशय अनुभवी लोकांचा सभागृह आहे. तिथे जाताना आपण सगळ्याच गोष्टी जाणकार म्हणून शिकून घेणं महत्त्वाचं आहे. इथून पुढे तो चांगली कामगिरी करेल असं मला आई म्हणून वाटतं.