नरेंद्र मोदी भुजबळांना काय म्हणाले?

पुणे : पंतप्रधान नरेंद्र मोदी यांनी पुण्यात देशातील सर्व राज्यांच्या पोलिस महासंचालकांची दोन दिवसांची परिषद पुण्यात घेतली. त्यांच्या स्वागतासाठी दोन दिवसांपूर्वी मुख्यमंत्री उद्धव ठाकरे हे हजर होते. आज निरोप देण्यासाठी राज्य सरकारतर्फे मंत्री छगन भुजबळ हे उपस्थित राहिले. 

भुजबळ यांच्याशी मोदींनी हसतमुखाने हस्तांदोलन केले. दोघांत संवादही झाला. या वेळी केंद्रीय गृहमंत्री अमित शहा, राज्यपाल भगतसिंग कोश्यारी, खासदार गिरीश बापट, महापौर मुरलीधर मोहोळ आदी उपस्थित होते.

पंतप्रधान किंवा इतर मान्यवरांचे स्वागत करण्यासाठी राजशिष्टाचार मंत्री नेमलेला असतो. राज्यातील मंत्रिमंडळाचे अद्याप खातेवाटप न झाल्याने या विभागासाठी अद्याप मंत्री नाही. पंतप्रधानांचे स्वागत करून भुजबळ हे तातडीने नाशिकला रवाना झाले.