जळगावच्या कारागृह अधीक्षकांसह कॉन्स्टेबलला लाच घेताना अटक
जळगाव : जळगाव जिल्हा कारागृहाचे अधीक्षक डी..टी.डाबेराव आणि पोलिस शिपाई बापू आमले यांना अवघ्या दोन हजार रुपयांची लाच घेताना आज जळगाव लाचलुचपत प्रतिबंधक विभाग (एसीबी) पथकाने अटक केली. ही कारवाई एसीबीचे उपअधीक्षक पराग सोनवणे आणि त्यांच्या पथकाने केली.
एका कैद्याला जिल्हा रुग्णालयात पाठविण्याच्या परवानगीचा व्यवहार तीन हजार रुपयात ठरला होता. कैद्याला रुग्णालयात पाठवायचे होते.
यासाठी त्याच्या नातेवाइकाला डाबेराव यांनी बंगल्यावर दोन हजार रुपये देण्यासाठी बोलावले होते. त्यानुसार संबंधित नातेवाइकाने जळगाव लाचलुचपत विभागाकडे तक्रार केली होती व त्यानुसार लाचलुचपत विभागाने सापळा रचून आज सकाळी आठ वाजता जळगाव जिल्हा कारागृहाचे अधीक्षक डाबेराव आणि त्यांचा कॉन्स्टेबल आमले यांना हजार रुपये घेताना रंगेहाथ पकडले व त्यांना अटक करण्यात आली, ही कारवाई लाच लाचलुचपत प्रतिबंधक विभागाचे उपअधीक्षक पराग सोनवणे आणि त्यांच्या पथकाने केली.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.