अमरावती शिक्षक मतदारसंघ : किरण सरनाईक आघाडीवर...

अमरावती : अमरावती शिक्षक मतदारसंघाच्या निवडणुकीतील मतमोजणीची प्रक्रिया सुरू झाल्यानंतर पहिल्या फेरीचा निकाल नुकताच हाती आला आहे. पहिल्या फेरीत स्वतंत्र उमेदवार किरण सरनाईक आघाडीवर आहेत. 

किरण सरनाईक यांना पहिल्या फेरीत ३१४९, राज्यातील महाविकास आघाडी समर्थीत श्रीकांत देशपांडे यांना २२९९ तर स्वतंत्र उमेदवार शेखर भोयर यांना २०१० मते मिळाली आहेत. सरनाईक हे देशपांडे यांच्यापेक्षा ८५० मतांची आघाडी घेऊन पुढे निघालेले आहेत.

निवडणुकीदरम्यान फारसे चर्चेत नसलेले स्वतंत्र उमेदवार किरण सरनाईक यांनी पहिल्या फेरीतच आघाडी घेतली. विद्यमान आमदार आणि मातब्बर उमेदवार श्रीकांत देशपांडे यांना त्यांनी पहिल्याच फेरीत मागे टाकल्याने अनेकांना आश्‍चर्याचा धक्का बसला आहे. प्रथम फेरीत आतापर्यंत १४ हजार मतांची मोजणी झाली. 
Edited By : Atul Mehere