औरंगाबादः पथदिव्याचा खांब रस्त्याशेजारी उभ्या असलेल्या एका स्कॉर्पिओ जीपवर कोसळून लाखो रुपयांचे नुकसान झाल्याची घटना मंगळवारी (ता. 14) दुपारी सिडको भागात घडली. पोलवरून केबल टाकताना हा प्रकार घडला असून, ही स्कॉर्पिओ परभणीचे शिवसेना आमदार राहुल पाटील यांची आहे.
शहरातील अनेक रस्त्यांवर बेकायदा केबल टाकण्यात येत आहेत. या केबलसाठी रस्त्याच्या मधोमध असलेल्या महापालिकेच्या केबलचा वापर केला जातो. मंगळवारी दुपारी तीन वाजेच्या सुमारास कॅनॉट गार्डन परिसरात काहीजण केबल ओढत होते.
या वेळी अधिक जोर लावून ताण दिल्याने पथदिव्याचा खांबच कोसळला. हा खांब रस्त्याशेजारी उभ्या असलेल्या एका स्कॉर्पिओ जीपवर पडला. त्यात जीपचे छत फाटल्याने लाखो रुपयांचे नुकसान झाले. परभणीचे शिवसेना आमदार राहूल पाटील यांची ही स्कॉर्पिओ आहे. घटनेच्या वेळी गाडीत कुणीही नसल्याने मोठी दुर्घटना टळली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.