`इतर पंतप्रधान उपचार शोधत आहेत, तर मोदी मेणबत्या पेटवायला सांगताहेत'

पुणे - राज्याचे ऊर्जामंत्री नितीन राऊत यांनी पंतप्रधान नरेंद्र मोदी यांनी केलेल्या आजच्या आवाहनावर सडकून टीका केली आहे. टाळ्या वाजवून, मेणबत्त्या पेटवून आपण कोरोनाला हरवणार, अशी उपरोधिक टीका त्यांनी मोदींवर केली आहे.

त्यांनी केलेल्या ट्विटमध्ये म्हटले आहे, की जगातले इतर राष्ट्रांचे पंतप्रधान कोरोनावर उपचार शोधत आहेत आणि त्यातून लढण्याची व्यवस्था करत आहेत. त्याचवेळी आपले पंतप्रधान कधी टाळी वाजवून घेताहेत, तर कधी मेणबत्ती पेटवायला सांगताहेत. 

`यातून आपण कोरोनाविरुद्ध जिंकू' अशी उपरोधिक टीकाही राऊत यांनी मोदींवर केली आहे.