एफआरपी थकवलेल्या साखर कारखानदारांना काकणभरही ऊस देणार नाही - राजू शेट्टी

सोलापूर - सोलापूरमध्ये स्वाभिमान शेतकरी संघटनेचे अध्यक्ष राजू शेट्टी यांनी मागच्या वर्षी शेतकऱ्यांचा एफआरपी थकवणाऱ्या साखर कारखानदारांना काकणभरही ऊस देणार नाही, अशी भूमिका घेतली आहे.

सोलापूर जिल्ह्यात परतीच्या पावसाचा फटका बळीराजाला बसलाय, त्या पिकांचा पाहणी दौऱ्यासाठी राजू शेट्टी सोलापूरला होते, दरम्यान या संदर्भात सोलापूरमधील शासकीय विश्राम गृहामध्ये घेण्यात आलेल्या पत्रकार परिषदेमध्ये त्यांनी ही भूमिका मांडली.

याबाबत साखर आयुक्तांनी एफआरपी थकबाकीदार कारखानदारांना गाळपाचे परवाने देऊ नये, अशी विनंती ते साखर आयुक्तांना करणार आहेत. मात्र तरी सुद्धा परवाने दिले गेले तर कायदा हातात घेऊन कारखाने बंद पडण्याचा इशारा ही राजू शेट्टींनी दिला आहे.