आजचा वाढदिवस : राहुल जगताप - आमदार (राष्ट्रवादी कॉंग्रेस पक्ष, श्रीगोंदा) 

राष्ट्रवादी कॉंग्रेसचे आमदार राहुल जगताप यांनी श्रीगोंदे तालुका मतदारसंघात विविध कामे करीत विकास करण्याचा प्रयत्न केला आहे. कुकडी सहकारी साखर कारखान्याच्या माध्यमातून श्रीगोंदे तालुक्‍यातील विसापूर पंचक्रोशीतील गावात त्यांनी शेतकऱ्यांसाठी विविध योजना राबविल्या. आकाराने मोठ्या असलेल्या या मतदारसंघात नगर तालुक्‍यातील बहुतेक गावे आहेत. या गावात त्यांनी रस्त्यांची कामे करून चांगली छाप पाडली आहे. विरोधकांच्या टीकेला न जुमानता ते आपले काम करीत असतात. कुकडीच्या पाण्यासाठी त्यांनी केलेली आंदोलने विशेष गाजली.