शेतकऱ्यांचे दुःख मला समजते! 

पांगरी (सोलापूर) : "मला शेतातील समजत नसले तरी शेतकऱ्यांचे दुःख समजते,'' असे प्रतिपादन युवा सेनाप्रमुख आदित्य ठाकरे यांनी पांगरी येथे शेतकऱ्यांशी बोलताना व्यक्त केले. 

जन आशीर्वाद यात्रेनिमित्त राज्याच्या विविध भागांत दौरा करत असताना त्यांनी पांगरीला भेट दिली. ठाकरे म्हणाले, की शहराइतकाच ग्रामीण भागाचा विकास होणे गरजेचे असून, लहान-मोठा शेतकरी यामध्ये फरक न करता सरसकट कर्जमाफी केली जावी. या वेळी शेतकऱ्यांनी आदित्य ठाकरे यांना पीकविमा, कांदा अनुदान, दुष्काळ निधी, पंतप्रधान शेतकरी सन्मान योजना या प्रश्‍नांचा ऊहापोह करणारे निवेदन दिले. या वेळी आत्महत्याग्रस्त शेतकऱ्यांच्या मुलांना शालेय साहित्य व गणवेशाचे वाटप करण्यात आले.