कुठलीही जातीय भावना दुखावली जाणार नाही, याची काळजी घेतलीय!

पुणे: 'स्वराज्यरक्षक संभाजी' मालिकेचे निर्माते आणि संभाजी महाराजांची व्यक्तीरेखा साकारणारे अभिनेते अमोल कोल्हे हे मालिकेच्या वादासंबंधी शिवसेनेचे माजी मंत्री अर्जुन खोतकर यांच्याशी चर्चा करणार आहेत.

'स्वराज्य रक्षक संभाजी' मालिका काही दिवसांत संपणार आहे. मालिकेत सद्या संभाजी महाराजांना पकडल्याचा प्रसंग दाखवण्यात येत आहे. यात पुढे महाराजांचा मृत्यू आहे. यासंबंधाने आज खोतकर यांनी आपली भुमिका मांडली आहे. संभाजी महाराजांना हाल हाल करून मारल्याचे आम्ही पाहू शकत नाही, त्यामुळे तो प्रसंग दाखवू नये असे त्यांनी म्हटले आहे. 

त्यासंदर्भाने अमोल कोल्हे यांनी म्हटले आहे की, मालिकेतील चित्रीकरणामुळे कुठलीही जातीय भावना दुखावली जाणार नाही, याची काळजी आम्ही घेतली आहे. संभाजी महाराज यांचा इतिहास जनतेला कळायला हवा. या विषयावर राजकारण होवू नये अशी आमची अपेक्षा आहे. अजून खोतकर यांच्याशी मी स्वतः बोलणार आहे.