अमृता पवारांनी आणली १.६४ कोटींची पाणी योजना

नाशिक : जिल्हा परिषदेच्या सदस्या आर्की. अमृता पवार आपल्या गटातील देवगाव (निफाड), महादेवनगरसाठी राष्ट्रीय ग्रामीण पेयजल कार्यक्रमांतर्गत १.६४ कोटींची पाणी पुरवठा योजना मंजूर करण्यात यशस्वी झाल्या आहेत.

या पाणीपुरवठा योजनेसाठी त्यांनी सातत्याने पाठपुरावा केला होता. निधीच्या उपलब्धतेसह विविध अडचणींवर त्यांनी यशस्वीपणे मात केली. 

राष्ट्रीय ग्रामीण पेयजल कार्यक्रम अंतर्गत देवगाव / महादेवनगर येथे नळ पाणीपुरवठा योजनेचे भुमिपूजन नुकतेच जिल्हा परिषद सदस्या आर्की पवार यांच्या हस्ते झाला. या योजनेसाठी एक कोटी ६४ लाख एव्हढा निधी मंजूर झालेला आहे. येत्या अठरा महिन्यांच्या कालावधीत ही योजना पुर्ण केली जाणार आहे. त्यामुळे पंचक्रोशीतील नागरिकांना पिण्याच्या पाण्याची सोय होईल. त्यामुळे पिण्याच्या पाण्यासाठी भटकंती व अनेक अडचणींना सामोरे जावे लागत होते. विशेषतः उन्हाळ्यात लया भागात पाण्याची अडचण होत होती. ती समस्या दुर झाली आहे. त्यामुळे ग्रामस्थांनी समाधान व्यक्त केले.  

यावेळी निफाड पाणीपुरवठा विभागाचे उपविभागीय अभियंता संजय मिस्त्री,   शाखा अभियंता अरुण पाटील, देवगावच्या सरपंच सौ. वैशालीताई अढांगळे, उपसरपंच लहानू मेमाणे, रामनाथ शिंदे,  किशोर बोचरे, दादासाहेब माळी, विनोद जोशी, सौ. इंदुबाई पिंगळे, सौ. मधुरा बोचरे, सौ. कोमल गव्हाणे, श्री. योगेश कुलथे, सौ. कमल बोचरे, सौ. ज्योती अढांगळे, सौ. अर्चना लोहारकर, ग्रामसेविका के.बी.पगारे यांसह विविध नागरिक उपस्थित होते. 
....