शेतकऱ्यांचं संपूर्ण पीककर्ज माफ करा : सदाभाऊ खोत 

सांगली : "शेतकऱ्यांवर अस्मानी संकट आले आहे. आघाडी सरकारने शेतकऱ्यांना मदत करण्याची गरज आहे. त्यामुळे सरकारने संपूर्ण पीककर्ज माफ करावे, " अशी मागणी माजी मंत्री सदाभाऊ खोत यांनी केली आहे.
इस्लामपूर (सांगली) येथे सदाभाऊ खोत बोलत होते.

सदाभाऊ खोत म्हणाले की, राज्यात शेतकऱ्यांवर अस्मानी संकट आले आहे. अवकाळी पावसामुळे झालेल्या नुकसान भरपाई सरकारने द्यावी. फळ बागाला 50 हजार आणि कोरडवाहू पिकाला 25 हजार तातडीने मदत
करावी, असेही सदाभाऊ खोत यांनी सांगितले.

"चिंताग्रस्त शेतकरी चिंतामुक्त करू" ही आघाडी सरकारची घोषणा आहे. ही जर सफल करायची असेल तर शेतकऱ्यांचं संपूर्ण पीककर्ज माफ करावं, आणि त्यांना चिंतामुक्त करावे," असे वक्तव्य माजी मंत्री सदाभाऊ खोत यांनी केले आहे. 

हेही वाचा : संजय राठोड यांच्या समर्थनार्थ शिवसेना रस्त्यावर...
हिंगोली : हिंगोली जिल्हा परिषदेच्या मैदानावर शिवसेनेचे नेते तथा वन मंत्री संजय राठोड यांच्या समर्थनार्थ बंजारा समाजाच्या वतीने मोर्चा काढण्यात येणार आहे, या मोर्चात सहभागी होण्यासाठी शिवसेना नेते,  आमदार संतोष बांगर हे देखील पुढे आले आहेत, मंत्री राठोड यांच्यावर आरोप झाल्यानंतर शिवसेना पहिल्यांदाच या मोर्चाच्या निमित्ताने रस्त्यावर उतरताना पाहायला मिळत आहे. "पूजा चव्हाण मृत्यूप्रकरणी कुणालाही पाठिशी घालणार नाही. या प्रकरणाची चैाकशी पोलिस करीत आहेत. त्यांना चैाकशी वेळ दिला पाहिजे. या तपासात राजकीय हस्तक्षेप नाही, " असे उपमुख्यमंत्री अजित पवार यांनी काल सांगितले.

पूजा चव्हाणच्या कुटुंबीयांनी कुठलाही आरोप केला नाही. त्यामुळे शिवसेना आणि मुख्यमंत्री उद्धव ठाकरे यांनी दबावात येऊ नये आणि कुठलाही निर्णय घेऊ नये. तसेच संजय राठोड यांनी याठिकाणी आपल्या कुटुंबासह येऊन येथील विकास कामांचा आढावा घ्यावा. धर्मपिठाधीश्‍वर बाबूसिंग महाराज यांच्या प्रमुख उपस्थितीत संस्थान ट्रस्टी अध्यक्ष कबिरदास महाराज, सुनील महाराज यांच्यासह बंजारा समाजाच्या सर्व संत महंतांनी चर्चा केली. यानंतर जितेंद्र महाराज आणि कबिरदास महाराज यांनी माध्यम प्रतिनिधींना सांगितले की, राज्यात कोरोनाने पुन्हा डोके वर काढले आहे. त्या संदर्भात भाविकांना काही महत्वाच्या सूचना द्यायच्या होत्या, त्याबाबत आम्ही चर्चा केली.