दिल्लीतील हिंसाचारानंतर भाजपची तिरंगा रॅली   

नवी दिल्ली : प्रजासत्ताक दिनी दिल्लीत शेतकऱ्यांनी आयोजित केलेल्या ट्रॅक्टर रॅलीला हिंसक वळण लागल्याने कृषी कायद्यांविरोधात सुरु असलेल्या आंदोलनाला गालबोट लागले आहे. आंदोलक आणि पोलिसांमध्ये हिंसक झटापटी झाल्याने या आंदोलनावर टीका होऊ लागली आहे. याच दरम्याण भाजपने तिरंगा रॅलीची घोषणा केली आहे. 

भाजपचे नेते कपिल मिश्रा यांनी दिल्लीमध्ये विशेष तिरंगा रॅली काढण्याची घोषणा केली आहे. आपल्या ट्विविटर अकाऊंटवरुन त्यांनी याबाबत ट्विविट केलं आहे. ' तिरंग्याचा अपमान आता सहन केला जाणार नाही. पोलिसांवर केलेले हल्ले खपवून घेतले जाणार नाहीत. आमचा तिरंगा आमचा सन्मान, आमचे पोलीस आमचा अभिमान.

तिरंगा रॅली ३० जानेवारी रोजी शनिवारी संध्याकाळी पाच वाजता आयोजित करण्यात आली आहे. सेंट्रल पार्क कॅनॉट प्लेसपासून ही रॅली सुरु होईल. तुम्ही सुद्धा तिरंगा घेऊन या रॅलीमध्ये नक्की सहभागी व्हा' असं कपिल मिश्रा यांनी आपल्या ट्विटमध्ये म्हटलं आहे. 

आज सिंधू बाॅर्डरवर शेतकरी नेते गोळा झाले. तसेच कृषी कायद्यांविरोधात सुरु असलेल्या आंदोलनाबाबत मोठा निर्णय घेतला. कृषी कायदे मागे घेईपर्यंत शांततापूर्ण मार्गाने आंदोलन सुरु ठेवण्याचा निर्णय शेतकरी नेत्यांनी घेतला आहे. 

पजास्ताक दिवी शेतकरी आंदोलकांनी काढलेल्या ट्रॅक्टर रॅलीला हिंसक वळण लागले. तसेच ठिकठिकाणी शेतकरी आणि आंदोलकांमध्ये झटापट झाली. दिवसभरात या झटापटीत अनेक शेतकरी आणि पोलीस जखमी झाले आहेत.