नवरदेवालाही  पडलीये राष्ट्रवादीची  भुरळ...असा घेतला उखाणा..(व्हिडिओ)

मंगळवेढा : महाराष्ट्रात काँग्रेस - राष्ट्रवादी काँग्रेसचे अस्तित्व संपुष्टात येते की काय, अशी परिस्थिती निर्माण झालेली असताना राष्ट्रवादी काँग्रेसने फिनिक्स पक्षाप्रमाने झेप घेत सत्ता काबीज केली. त्यामुळे आता राष्ट्रवादी काँग्रेसची  साऱ्यांनाच भुरळ पडू लागली आहे. 

मंगळवेढा तालुक्यातील मरवडे येथील निलेश स्वामी या नवरदेवाने घेतलेला राष्ट्रवादीप्रेमी उखाणा सध्या  सोशल मीडियावर व्हायरल झाला आहे.मरवडे येथील निलेश गुराप्पा स्वामी यांचा विवाह आज निवर्गी (ता.चडचण, जि. विजयपूर) येथे येळगी(ता. जत) येथील आरती हिच्याशी झाला. 

या विवाह सोहळ्यात नवरदेव निलेश याने ....नंदीचे नाव असतंय महादेवाच्या आधी, आरतीचे नाव घेतो मी प्रचंड आशावादी, मी राष्ट्रवादी....असा  उखाणा घेतला. हा उखाणा आता सोशल मीडियावर व्हायरल झाला असून त्यास नेटिझन्सची पसंती मिळत आहे. नवरदेव निलेश स्वामी हे मंगळवेढा तालुका राष्ट्रवादी काँग्रेसचे युवक सरचिटणीस आहेत.