मुंबई : राज्याचे उपमुख्यमंत्री अजित पवार आणि विरोधी पक्षनेते देवेंद्र फडणवीस यांचा आज (ता.२२ जुलै) वाढदिवस आहे. त्यांना शुभेच्छा देतांना भारतीय जनता पक्षाचे प्रदेशाध्यक्ष चंद्रकांत पाटील म्हणाले, देवेंद्र फडणवीस आणि अजित पवार दोघेही तर्तूत्ववान आणि परखड नेते आहेत. त्यांना दोघांनाही शुभेच्छा. (Chandrakant Patil wishes happy birthday by Ajit Pawar and Devendra Fadnavis)
पाटील प्रसारमाध्यमांशी बोलताना म्हणले की ''न्यायालयाच्या निर्णयाचा आदर करून मंदिरे कमी संख्येने, पुरेशी काळजी घेऊन खुली करावीत. दुसऱ्या कोरोनाच्या लाटेमध्ये देशात ऑक्सिजन अभावी एकही मृत्यू झाला नसल्याचे केंद्र सरकारने लोकसभेत सांगितले. त्या विषयी पाटील यांना विचारले असता ते म्हणाले, ऑक्सिजन कमतरतेमुळे मृत्यू झाले नाहीत. याबाबत डाटा उपलब्ध नाही राज्य सरकारनेच या प्रकरणाची चौकशी करावी.
कोरोना लशीचे दोन्ही डोस घेतलेल्या नागरिकांना मास्क वापरायला लावून, पुरेशी काळजी घेऊन बाहेर पडायला परवानगी द्यावी, अशी मागणी त्यांनी केली. चिपळूणमध्ये ढगफूटी झाल्यामुळे मोठ्या प्रमाणात पूरस्थिती निर्माण झाली आहे. त्या ठिकाणी मदत करण्यासाठी इतर टीम मार्गस्थ होत आहेत. सर्व लोक सुखरूप करता येतील याचा प्रयत्न सुरू. विधान परिषदेचे विरोधी पक्षनेते प्रवीण दरेकर यांना लगेचच जायला सांगणार असल्याचे यांनी सांगितले.
सर्वोच्च न्यायालयाच्या निर्णयामुळे सहकाराबाबत केंद्र सरकारला झटका, दणका असे काही नाही. पिगॅसस या हेरगिरी करणाऱ्या तंत्रज्ञानाव्दारे देशातील अनेक नेत्यांचे टॅपिंगचे करण्यात आल्याचा आरोप विरोधी पक्षांनी केला आहे. त्यामुळे संसदेच्या पावसाळी अधिवेशनामध्ये मोठ्या प्रमाणात गोंधळ होत आहे. त्या विषयी विचारले असता पाटील म्हणाले, खत कंपन्यांवर पाळत ठेवण्यासाठी पेगॅसीसचा वापर करण्यात आला. माहिती जनसंपर्क खात्याच्या अधिकाऱ्यांचा इस्राईल दौरा किंवा फोन टॅपिंगचे आरोप याची पोलखोल व्हावी, यासाठी समिती नेमा दूध का दूध पानी का पानी होऊ द्या, असेही पाटील म्हणाले.
Edited By - Amol Jaybhaye
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.