महाशिवआघाडीची  बैठक आज; वेळ आणि ठिकाणाबाबत मात्र गुलदस्तात

मुंबई : राज्यात सत्तास्थापनेसाठी हालचाली सुरु असून आज शिवसेना - काँग्रेस व राष्ट्रवादी काँग्रेसच्या महाशिवआघाडीची बैठक होणार असल्याची माहिती सूत्रांनी दिली आहे. मात्र, ही बैठक केव्हा आणि कुठे होईल, हे मात्र अद्याप सांगण्यात आलेले नाही. 

सूत्रांनी दिलेल्या माहितीनुसार तिन्ही पक्षांचे नेते आज एकत्र भेटणार आहेत. शिवसेना पक्ष प्रमुख उद्धव ठाकरे व दोन्ही काँग्रेसचे नेते चर्चा करतील, असे सांगण्यात आले आहे. दरम्यान, ''सरकार स्थापणे ची सकारात्मक चर्चा सुरू आहे. काल काँग्रेस राष्ट्रवादीची बैठक झाली. कॉमन अजेंडा काय असावा याबाबत आमच्यात चर्चा झाली. राष्ट्रवादी काँग्रेस ची एकत्रित चर्चा होऊन अजेंडा तयार झाल्यावर शिवसेनेशी चर्चा केली जाईल,'' असे काँग्रेसचे प्रदेशाध्यक्ष बाळासाहेब थोरात यांनी सांगितले आहे. त्यामुळे महाशिवआघाडीची बैठक आजच होईल किंवा कसे याबाबत संभ्रम आहे.