संजय राऊतांनी अत्यंत चुकिची गोष्ट केली!

जळगाव : शिवसेना नेते संजय राऊत थेट राज्याचे दैवत असलेल्या छत्रपती शिवाजी महाराजांच्या वंशजांनाच पुरावे मागत आहे. ही अत्यंत चुकिची गोष्ट आहे. राऊत यांच्यां विधानावर आपली नाराजी आहे, असे मत  भाजपा नेते एकनाथ खडसे यांनी व्यक्त केले.

जळगाव येथे आयोजित पत्रकार परिषदेत ते बोलत होते. शिवसेना नेते खासदार संजय राऊत यांनी छत्रपती शिवाजी महाराजांच्या वशंजांनी आपण त्यांचे वशंज असल्याचा पुरावा द्यावा असे विधान केले आहे. या विधानाबाबत बोलताना ते म्हणाले, छत्रपती शिवाजी महाराज राज्याचे  दैवत आहेत. त्यांच्या वशंजांच्या बाबतीत असे विधान करणे अत्यंत चुकिचे आहे.आजच्या स्थितीत मुलगा हाच आपला बाप आहे, हे सिध्द करू शकत नाही. या ठिकाणी तर थेट छत्रपतींच्या वशंजाना पुरावा मागणे चुकिचे आहे. शिवसेना नेते संजय राऊत यांनी याबाबत चुकिचे विधान करून हा नवीन वाद उकरून काढला आहे. त्याबाबत आपली नाराजी आहे.