पुरग्रस्तांच्या मदतीसाठी शिवसेनेनेही कंबर कसली, शिवसाहित्य मदतीचे ट्रक रवाना 

मुंबई : पुरग्रस्तांच्या मदतीसाठी शिवसेनेनेही कंबर कसली असून आज शिवसाहित्य मदतीचे ट्रक, एम्बुलेंस महापुराची झळ भसलेल्या भागाकडे रवाना होणार आहेत. 

शिवसाहित्य मदतीचे ट्रक दादर येथील शिवाजी पार्कमधील मीनाताई ठाकरे यांच्या पुतळ्याजवळून रवाना होणार आहेत. या मदतीची पाहणी शिवसेनेचे पक्षप्रमुख उद्धव ठाकरे आणि युवा नेते आदित्य ठाकरे यांनी केली.

यावेळी शिवसेनाप्रमुख बाळासाहेब ठाकरे यांच्या नावाने उपस्थित शिवसैनिकांनी जोरदार घोषणाबाजी करून परिसर दणाणून सोडला. शिवसाहित्य मदतीच्या ट्रकबरोबरच शिवसेनेतर्फे पुरग्रस्तभागात आरोग्य शिबीरही आयोजित करण्यात येणार असून काही डॉक्‍टर्स आणि नर्सही जाणार असल्याचे यावेळी शिवसेनेच्यावतीने सांगण्यात आले