नाशिकरोड : मागील युती सरकारने राज्यभरात हरित महाराष्ट्र या नावाने वृक्ष लागवड योजना सुरू केली होती. सतत चार वर्षे सामाजिक वनीकरण तसेच शासनाच्या बत्तीस विभागांतर्गत वृक्ष लागवडीचे 50 कोटींचे उद्दीष्ट साध्य केले होते. यंदा मात्र या योजनेंतर्गत कोणत्याही प्रकारचे उद्दीष्ट ना आदेश संबंधित विभागाला आले नसल्याने मागील सरकारची महत्वाकांक्षी योजना गुंडाळली की काय? असा प्रश्न सरकारी कर्मचाऱ्यांमध्येच उपस्थित होतांना दिसत आहे.
माजी वनमंत्री सुधीर मुनगंटीवार यांनी युती सरकारच्या काळात सामाजिक वनीकरण आणि शासनाच्या बत्तीस विभागांतर्गत सुरू केली होती. मागील चार वर्षात 54 कोटी 26 लाख वृक्षांची लागवड राज्यभरात केली गेली. या योजनेंतर्गंत दरवर्षी विभागनिहाय उद्दीष्ट जिल्हास्तरावर दिले जात होते. यावर्षी मात्र त्यासंदर्भातील कुठल्याही हालचाली झाल्या नसल्याचे चित्र आहे.
सलग चार वर्षे उद्दीष्ट देऊन वृक्ष लागवड कार्यक्रम राज्यभर राबविण्यात आला. यंदा पावसाळा सुरू झाला मात्र अद्याप वरीष्ठ पातळीवरून कुठलाही निर्णय अथवा परिपत्रक काढण्यात आलेले नाही. यामागे "कोरोना' चे कारण असल्याचे नाशिक विभागातील अधिकाऱ्यांनी सांगितले.
2 कोटी 83 लाख (सन 2016)
5 कोटी 34 लाख (सन 2017)
13 कोटी (सन 2018)
33 कोटी (सन 2019)
सामाजिक वनीकरण आणि शासनाच्या विविध बत्तीस विभागांना योजनेत सहभागी करून घेण्यात आले होते. सर्व विभागांनी योजना नव्हे चळवळ म्हणून सहभागी होत लोकसहभाग घेत उद्दीष्टापेक्षा अधिक लागवड करीत आपला शहर व परिसर हरीत करण्यासाठी पाऊल उचललेयात प्रामुख्यान मनपा, बांधकाम, कृषी, नॅशनल हायवे अशा अनेक विभागांचा समावेश होता. या वर्षी का पुढील कार्यवाही झाली नाही हे मी निश्‍चित नाही सांगू शकत.
- सुधीर मुनगंटीवार, माजी वन मंत्री, युती सरकार
वृक्ष लागवड विषयी वरीष्ठ स्तरावरून अद्याप आम्हाला सूचना किंवा आदेश प्राप्त झालेले नाही. आमच्या विभागात आम्ही 30 ते 35 लाख वृक्ष लागवडीचे उद्दिष्ट ठेवले आहे. यासाठी आम्हाला परवानगी घेणे आवश्‍यक आहे.
- सी. डी. भरमल, विभागीय वन अधिकारीवृक्ष लागवडीसाठी शासनाच्या उद्दीष्टाची आवश्‍यकता हवीच कशाला? , संबंधित अधिकारी वर्गाने वृक्ष लागवडीसाठी नियोजन करायला हवे. यासाठी शासनाच्या आदेशाची प्रतीक्षा करायला नको, - राजेश पंडित, सदस्य, वृक्ष संवर्धन समिती
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.