महसूल आणि पोलिस भाऊ भाऊ: महादेव तांबडे

सोलापूर (प्रतिनिधी) : महसूल विभाग आणि पोलिस प्रशासन दोन्ही भाऊ आहेत. दोन्ही विभागांच्या कामकाजावरूनच प्रशासनाबाबत नागरिक आपले मत तयार करतात. सर्वसामान्य नागरिकांना त्रास होणार नाही, असे काम केल्यास निश्‍चित प्रशासनाची प्रतिमा चांगली राहील, असे प्रतिपादन पोलिस आयुक्त महादेव तांबडे यांनी केले. 

महसूल दिनानिमित्त महसूल शाखेतील ४६ कर्मचाऱ्यांना उत्कृष्ट कर्मचारी म्हणून गौरविण्यात आले. मनपा आयुक्त डॉ. अविनाश ढाकणे, अप्पर जिल्हाधिकारी रामचंद्र शिंदे, रोहयो उपजिल्हाधिकारी किशोर पवार, अन्नधान्य वितरण अधिकारी श्रीमंत पाटोळे, भूसंपादन अधिकारी प्रवीण सांळुखे, प्रांताधिकारी ज्योती पाटील, शिवाजी जगताप, प्रमोद गायकवाड, मारुती बोरकर आदी उपस्थित होते.