'मातोश्री' आता '१० जनपथ' ला शिफ्ट : निलेश राणेंचा टोला

मुंबई : काँग्रेस-राष्ट्रवादी काँग्रेस आणि शिवसेना यांच्यात सत्ता स्थापनेवरुन चर्चा सुरु असतानाच माजी खासदार निलेश राणे यांनी मात्र शिवसेनेवर ट्वीटर बाण सोडणे सुरुच ठेवला आहे. शिवसेनेने आपल्या आमदारांना परत घरी जाण्यास सांगितल्यावरही निलेश राणे यांनी ट्वीटर वरुन टीका केली आहे. 

या ट्वीटमध्ये निलेश राणे म्हणतात......वाह!! फार मोठं राष्ट्रीय कर्तव्य पार पाडलं... काँग्रेस बोलवेल तेव्हा गप चूप परत यायचं. मातोश्री आता १० जनपत दिल्लीला शिफ्ट झाली आहे. म्हणून परत जर बोलवले तर भगवे फेटे नाही तर गांधी टोपी घालून या.

या आधीही निलेश राणे यांनी शिवसेनेवर व विशेषतः सेना नेते व खासदार संजय राऊन यांच्यावरी जोरदार टिकास्त्र सोडले होते. संजय राऊत आजारपणासाठी लिलावती हाॅस्पीटलमध्ये दाखल झाल्यावर राणे यांनी हे नाटक असल्याची टिका केली होती. शिवसैनिक मारतील या भितीने राऊत रुग्णालयात दाखल झाले, असेही एक ट्वीट त्यांनी केले होते.