पुणे : 'गोपीनाथ मुंडे यांच्यावर भाजपने अन्याय केला. आता तेच पंकजा मुंडे यांच्याबाबतही होत आहे. पंकजा यांना भाजप नेत्यांनीच मतदारसंघात पराभूत केले. आण्णा डांगे, गोपीनाथ मुंडे, दौलतराव आहेर यांसारखे नेते भाजपने संपवले" असा आरोप माजी आमदार प्रकाश शेंडगे यांनी केला आहे.
प्रकाश शेंडगे यांची भाजपमध्ये गोपीनाथ मुंडे समर्थक अशी ओळख होती. २०१४ साली त्यांनी भाजपची साथ सोडली. 2019 च्या विधानसभा निवडणुकीत त्यांनी शिवसेना पक्षप्रमुख उद्धव ठाकरे यांच्यासोबत प्रचार केला आहे.
पंकजा मुंडे यांच्या नाराजीनंतर शेंडगे यांनी भाजपवर जोरदार टीका केली आहे.
"भाजपने गोपीनाथ मुंडे यांना पक्षातून काढून टाकण्याचा ठराव मांडला होता. त्याला आम्ही विरोध केला होता. भाजपने मुंडे यांचे नेहमीच खच्चीकरण केले. तोच प्रकार पंकजा यांच्याबाबत सुरू आहे. पंकजा यांनी वेळीच सावध व्हावे."असे शेंडगे यांनी म्हटले आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.