गुन्हा दाखल न करण्यासाठी लाच मागणाऱ्या PSI ला अटक
चाकण : म्हाळुंगे (ता. खेड) पोलिस चौकीत दाखल झालेल्या चौकशी अर्जातील तक्रारदाराकडे गुन्हा दाखल न करण्यासाठी 50 हजार रुपयांची लाच मागणाऱ्या पोलिस उपनिरीक्षकावर गुन्हा दाखल करण्यात आला आहे. पुणे लाचलुचपत प्रतिबंधक विरोधी पथकाने ही कारवाई केली आहे.
दरम्यान, गुन्हा दाखल झालेल्या पोलिस उपनिरीक्षकला अटक करण्यात आली आहे.
राहुल शालिग्राम भदाणे (वय 32) असे गुन्हा दाखल करण्यात आलेल्या पोलिस उपनिरीक्षकाचे नाव आहे.
पोलिसांनी दिलेल्या माहितीनुसार, लोकसेवक म्हणून काम करताना पैसे देणे घेणे संबंधावरून महाळुंगे पोलिस चौकीत चौकशीसाठी अर्ज दाखल झालेला आहे. त्यातील तक्रारदारावर गुन्हा दाखल न करण्यासाठी पन्नास हजार रुपये लाचेची मागणी केल्याप्रकरणी पोलिस उपनिरीक्षक भदाणे याच्यावर गुन्हा दाखल करण्यात आला. तक्रारदार तरुणाने लाचलुचपत प्रतिबंधक विभागाकडे याबाबतची माहिती दिली होती.
ही कारवाई पोलिस अधीक्षक राजेश बनसोडे, अतिरिक्त पोलिस अधीक्षक सूरज गुरव यांच्या मार्गदर्शनाखाली लाचलुचपत प्रतिबंधक विभागाने केली.
गुन्ह्याचा तपास लाचलुचपत प्रतिबंधक विभागाच्या पोलिस निरीक्षक ज्योती पाटील करत आहेत.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.