वारजे माळवाडी : जिल्हा परिषदेचे बांधकाम आरोग्य समितीचे माजी सभापती रामभाऊ बाबासाहेब बराटे (वय 70) यांचे हृदयविकाराचा आजाराने शुक्रवारी रात्री निधन झाले. त्यांच्या मागे दोन विवाहित भाऊ, पत्नी, दोन विवाहित मुले, दोन विवाहित मुली, जावई, सुना, नातवंडे असा परिवार आहे. हवेली तालुका काँग्रेसचे अध्यक्ष सचिन बराटे यांचे ते वडील होत.
कोरोनापूर्वी वारजे जकात नाका परिसरात झालेल्या आंदोलनात त्यांचा सक्रिय सहभाग हा त्यांचा सामाजिक जीवनातील शेवटचा कार्यक्रम ठरला. काही दिवसांपूर्वी त्याना कोरोनाची लागण झाली होती त्यातून ते बरे देखील झाले होते. परंतु त्यांच्या हृदयविकारावर खासगी रुग्णालयात उपचार सुरू होते त्यातच त्यांचे निधन झाले.
त्यांचे आजोबा व वडील वारकरी संप्रदायात होते. त्यांच्या घरात विठ्ठल मंदिर होते.
रामभाऊ हे काँग्रेसचे व माजी शिक्षण मंत्री प्रा. रामकृष्ण मोरे यांचे कट्टर समर्थक होते.
वारजे गावचे माजी सरपंच, माजी जिल्हा परिषद सदस्य, व काँग्रेसच्या विविध पदांवर त्यांनी काम केले आहे. वारजे माळवाडीतील वाहतूक व्यवस्था व रस्त्यावरील अतिक्रमण यावर ते आग्रहाने नेहमी बोलत असे. सरपंच असताना वारजे गावासाठी दर माणशी 100लिटर पाणी योजना राबविण्यासाठी त्यांनी पुढाकार घेतला होता. त्यासाठी खडकवासला धरणातून बंद जलवाहिनीतून पाणी आणून जलशुद्धीकरण केंद्र अशी पाणी योजना पूर्ण केली. खानापूर येथे प्राथमिक आरोग्य केंद्र उभारणे, वारजे परिसरात ओढ्यावर पूल बांधणे अशा कामासाठी तसेच वारजे विकासात त्यांचा मोलाचा वाटा होता.
रामभाऊ बराटे यांनी भूषविलेली पदे
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.