मुख्य बातम्या मोबाईल

आरोग्यमंत्री दीपक सावंतांचे तिकीट शिवसेनेने कापले! 

सरकारनामा ब्युरो

मुंबई : तीन टर्म झालेल्यांना संधी नाही, असे कारण देत आरोग्यमंत्री डॉ. दीपक सावंत यांना विधान परिषदेच्या निवडणुकीसाठी उमेदवारी न देण्याचा निर्णय शिवसेनेने घेतला आहे. त्यांच्याऐवजी विलास पोतनीस हे पक्षाचे मुंबई पदवीधर मतदारसंघातील उमेदवार असतील. डॉ. सावंत यांना हा निर्णय कळवण्यात आला आहे. 

सलग तीन वेळा विधान परिषदेत पक्षाचे प्रातिनिधित्व करणाऱ्यांऐवजी नव्या चेहऱ्यांना संधी देण्याचे धोरण शिवसेनेने स्वीकारले आहे. त्याचा फटका डॉ. सावंत यांना बसला. उमेदवारी न मिळाल्याने विधान परिषदेच्या सदस्यत्वाची मुदत संपल्यानंतर सहा महिन्यांच्या आत त्यांना मंत्रिपद सोडावे लागेल. 

दरम्यान, डॉ. सावंत यांनी खात्याचा कारभार योग्य प्रकारे सांभाळला नसल्याची तक्रार होत होती. नव्या परिस्थितीत त्यांचे खाते कुणाकडे सोपवावे, याचा निर्णय शिवसेना पक्षप्रमुख उद्धव ठाकरे यांना घ्यावा लागेल. सावंत गेल्या वर्षापर्यंत "मातोश्री'च्या जवळचे मानले जात असत. 

पोतनीस हे शिवसेनेचे जुने कार्यकर्ते आहेत. त्यांनी विभागप्रमुख पदाची जबाबदारीही सांभाळली आहे. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

SCROLL FOR NEXT