भूषण गगराणी आणि विकास खरगे मुख्यमंत्र्यांचे प्रधान सचिव

मुंबई  : राज्याच्या मुख्यमंत्री पदाची सूत्र हाती घेतल्यानंतर उद्धव ठाकरे यांनी प्रशासनात फेरबदल करायला सुरुवात केली आहे. त्याचाच भाग म्हणून त्यांनी आज मुख्यमंत्री कार्यालयाचे प्रधान सचिव पदावर भूषण गगराणी आणि वन विभागाचे प्रधान सचिव विकास खरगे यांची नियुक्ती केली. 

गगराणी यांनी माजी मुख्यमंत्री देवेंद्र फडणवीस यांचे प्रधान सचिव म्हणूनही काम केले.

निपुण विनायक यांची नगरपालिका प्रशासन येथे आयुक्त आणि संचालक या पदावर नियुक्ती केली आहे.  सचिन कुर्वे यांची महाराष्ट्र विमानतळ विकास प्राधिकरणाच्या व्यास्थापाकीय संचालक पदी नियुक्ती केली आहे. आनंद रायते यांची विक्रीकर विभागाच्या सहआयुक्त पदावर नियुक्ती केली आहे. 

 माहिती व तंत्रज्ञान विभागाचे संचालक अमोल येडगे यांची अमरावती जिल्हापरिषद मुख्य कार्यकारी अधिकारी या पदावर  करण्यात आली आहे .  के एच बगते,  अतिरिक्त जिल्हाधिकारी , सरदार सरोवर प्रकल्प नंदुरबार यांची रत्नागिरी जिल्हा परिषदेच्या मुख्य कार्यकारी अधिकारी पदावर नियुक्ती केली आहे.