ओबीसींचा इम्पेरिकल डेटा मार्चपर्यंत मिळणार: अजित पवार,पाहा व्हिडिओ

ओबीसी आरक्षणासाठी(OBC Reservation) लागणारा इम्पेरिकल डेटा मार्च पर्यंत मिळणार असून त्यासाठी आम्ही पाच कोटी रुपयांची तरतूद केली आहे, अशी माहिती उपमुख्यमंत्री अजित पवार(Ajit Pawar) यांनी दिली आहे. क्रांतिज्योती सावित्रीबाई फुले यांच्या जयंतीनिमित्त उपमुख्यमंत्री अजित पवार यांचे आज सकाळी नियोजित कार्यक्रमाला दीड तास आधीच नायगाव येथे आगमन झाले. त्यांनी सावित्रीबाई फुले यांना अभिवादन केल्यानंतर त्यांच्याशी पत्रकारांनी संवाद साधला. यावेळी खासदार श्रीनिवास पाटील, पालकमंत्री बाळासाहेब पाटील, आदी उपस्थित होते. कोरोनाचे निर्बंध पाळण्यासाठी आपण नियोजित वेळेच्या आधी दीड तास आधी येऊन कार्यक्रमास उपस्थिती लावल्याचे अजित पवार यांनी सांगितले.