Beed मध्ये BJP vs Ajit Pawar गट आमनेसामने, घोषणाबाजीआणि राड्याचा Video Viral

नगरपालिका निवडणुकी साठीचा उमेदवारी अर्ज सादर करण्याची कालची शेवटची तारीख होती. त्यामुळे सर्वपक्षीयांनी नगरपालिकेत मोठी गर्दी केली होती. अशातच अजित पवार यांची राष्ट्रवादी आणि भाजप नेते एकाच वेळी नगरपालिकेच्या बाहेर पडले. यावेळी दोन्ही कार्यकर्त्यांकडून नेत्यांच्या समर्थनात घोषणाबाजी झाली. एखाद्या दक्षिणात्य चित्रपटाला साजेसे असेच चित्र बीडमध्ये पाहायला मिळाले. एकमेकांच्या विरोधात घोषणाबाजी करताना काही काळ वातावरण चिघळण्याच्या स्थितीत होते. अजित पवारांच्या कार्यकर्त्यांकडून राष्ट्रवादीचा विजय असो तर भाजप कार्यकर्त्यांकडून योगेश भैय्या तुम आगे बडोच्या घोषणाबाजीने परिसर दणाणून गेला होता. दोन्ही पक्षातील कार्यकर्त्यांच्या हाय होल्टेज ड्रामाचा व्हिडिओ सध्या व्हायरल झाला आहे.