'Thakceray यांचं विकासावरचं भाषण दाखवा,हजार रुपये मिळवा' Devendra Fadanvis यांनी काढला चिमटा

राज्यात नगरपालिका निवडणुकांची घोषणा झाली असून, उपमुख्यमंत्री देवेंद्र फडणवीस यांनी यावर प्रतिक्रिया दिली आहे. फडणवीस यांनी महायुतीच्या एकजुटीवर भर दिला. 'तीनही आमचे जे पक्ष आहेत ते आपापल्या परीनं त्यात्या स्तरावर युतीच्या संदर्भात निर्णय घेतील, पण कुठल्याही परिस्थितीत आम्ही तिघेही एकच आहोत,' असे फडणवीस म्हणाले. 'कुठे युती झाली नाही तरी आमची पोस्ट पोल युती होईल,' असेही त्यांनी स्पष्ट केले. फडणवीस यांनी उद्धव ठाकरे यांच्यावर टीका केली. 'उद्धव ठाकरे टोंबणे मारण्याच्या पलिकडे काहीच करू शकत नाहीत. मी तर यापूर्वी देखील सांगितलं की विकासावर केलेलं त्यांचं एक भाषण दाखवा पण हजार रुपये मिळवा,' असे आव्हान त्यांनी दिले. राज ठाकरे यांनी निवडणूक आयोगाच्या पत्रकार परिषदेवर केलेल्या टीकेवरही फडणवीस यांनी भाष्य केले. 'निवडणूक आयोगाकडे उत्तर नाहीयेत, त्यांना एकच उत्तर पाहिजे ते म्हणजे निवडणुका पुढे ढकलल्यानंतर दुसरं कुठलंही उत्तर अपेक्षित नाही,' असे फडणवीस म्हणाले. सर्वोच्च न्यायालयाच्या आदेशामुळे निवडणुका पुढे जाऊ शकत नाहीत, असेही त्यांनी नमूद केले.