भाजप सरकार शेतकरीविरोधी: अजित पवार 

सातारा : बड्या धेंड्यांची कर्जे सरकार भरत असून त्यांच्या बॅंकांना एनपीएतून बाहेर काढत आहे. मात्र, राज्यातील शेतकऱ्यांना कर्जमाफी करत नाही, शेतकऱ्यांना अडचणीत आणण्याचे भाजप सरकारचे धोरण आहे, अशी टीका माजी उपमुख्यमंत्री अजित पवार यांनी केली. 

ते साताऱ्यातील कार्यक्रमात बोलत होते. ते म्हणाले, देशात साखर मोठ्याप्रमाणात उपलब्ध असताना भाजप सरकारने परदेशातून पाच हजार मेट्रिक टन साखर आयात केली आहे. यातून साखरधंदा अडचणीत येणार आहे. संघर्ष यात्रेचा तिसरा टप्पा सातारा जिल्ह्यातून घेण्याच्या दृष्टीने विचार सुरू असल्याचे त्यांनी स्पष्ट केले.