शरद पवार- एकनाथ खडसे यांच्यात अज्ञातस्थळी चर्चा?

नागपूर : राष्ट्रवादी काँग्रेसचे अध्यक्ष शरद पवार व भाजपचे नाराज नेते व माजी मंत्री एकनाथ खडसे यांची अज्ञातस्थळी भेट झाल्याची माहिती सूत्रांनी दिली. या बैठकीत काय चर्चा झाली हे मात्र समजू शकले नाही. 

गेल्या काही दिवसापासून खडसे राष्ट्रवादीच्या वाटेवर असल्याची चर्चा आहे. त्या पार्श्वभूमीवर पवार-खडसे यांच्यात तब्बल अर्धा तास चर्चा झाल्याची माहिती आहे. काल सकाळी रेशीमबाग येथील डॉ. हेडगेवार स्मृती मंदिर परिसरातील महर्षी व्यास सभागृहात भाजपच्या दोन्ही सभागृहातील आमदारांच्या झालेल्या बौद्धिक वर्गाला एकनाथ खडसे अनुपस्थित होते. 

दरम्यान, खडसे यांचा अधिवेशन काळातच राष्ट्रवादी काँग्रेसमध्ये प्रवेश होईल, असे बोलले जात आहे. तर हा प्रवेश २० तारखेनंतर जळगावमध्ये होईल, अशीही एक चर्चा आहे.