सेनेचे संख्याबळ तपासून पहावे - भाजप करणार राज्यपालांकडे मागणी

मुंबई : राज्यपालांनी शिवसेनेचे संख्याबळ मान्य करु नये, ते तपासून पहावे असे सांगत भारतीय जनता पक्षाने शिवसेनेची कोंडी करण्याचे प्रयत्न सुरु केले आहेत. शिवसेनेने संपूर्ण आकडेवारी राज्यपालांकडे सादर करावी असे भाजपचे म्हणणे आहे. 

भाजपच्या कोअर कमिटीची बैठक वर्षा बंगल्यावर सकाळी झाली. राज्यातले महत्त्वाचे नेते या बैठकीला उपस्थित होते. शिवसेनेचे संख्याबळ मान्य करु नये, अशी विनंती भाजप राज्यपालांना करणार आहे. सायंकाळी साडेसात वाजता भाजपचे शिष्टमंडळ राज्यपालांची भेट घेणार आहे. राज्यपाल कार्यालयाकडून ही माहिती देण्यात आली आहे. 

दरम्यान, राज्यात सुरु असलेल्या सत्तासंघर्षाबाबत भाजपच्या केंद्रीय नेतृत्वाने लक्ष घातले असल्याची माहिती सूत्रांकडून देण्यात आली आहे.