मुख्यमंत्र्यांनी केल्या ११ सनदी अधिकाऱ्यांच्या बदल्या 

मुंबई, ता.२६ : मुख्यमंत्री देवेंद्र फडणवीस यांनी शनिवारी तब्बल ६० सनदी अधिकाऱ्यांच्या बदल्या आणि नियुक्त्यांचे आदेश जाहीर केले असतानी बुधवारी पुन्हा ११ सनदी अधिकाऱ्यांच्या नियुक्ती आदेशात फेरबदल करून नव्याने आदेश जाहीर केले आहे. 

मागील आदेशात जळगाव जि.प. सीईओ पदावर पाठविलेले एस जी कोलते यांची नागपूर येथील मनरेगाच्या आयुक्त म्हणून सुधारित नियुक्ती आदेश जाहीर केले आहे. तर गडचिरोलीचे सहायक जिल्हाधिकारी व एटापल्ली प्रकल्प अधिकारी म्हणून असलेले विपिन इटनकर यांची गडचिरोलीच्या प्रकल्प अधिकारी पदावर नियुक्ती केली आहे.

 साखर आयुक्त असलेले विपिन शर्मा यांची कौशल्य विकास विभागाच्या आयुक्त पदावर केलेली नियुक्ती रद्द करून त्यांना शिक्षण विभागाच्या आयुक्त पदावर पाठविण्यात आले असून या पदावर असलेले धीरज कुमार हे प्रतिनियुक्तीवर उत्तर प्रदेशात जाणार आहे. सोलापूर जि प सीईओ अरुण डोंगरे यांची नांदेडच्या जिल्हाधिकारी पदावर नियुक्ती केली असून या ठिकाणी नियुक्त केलेले अकोला येथील जिल्हाधिकारी जि श्रीकांत यांची लातूर जिल्हाधिकारी पदावर सुधारित नियुक्ती आदेश जाहीर केले आहे.

 बीड जिल्हाधिकारी पदावर नियुक्ती केलेले मनारेगा आयुक्त अभय महाजन यांची अहमदनगर जिल्हाधिकारी पदावर नियुक्ती केली आहे.सोलापूर जिल्हाधिकारी रणजीत कुमार यांची मार्केटिंग विभागाच्या संचालक पदावर पाठविण्यात आले असून त्यांच्याकडे महाराष्ट्र राज्य कृषी विपणन व्यवस्थापनाचा अतिरिक्त कार्यभार देण्यात आला आहे.सांगली जि प चे सीईओ आर बी भोसले यांची सोलापूर जिल्हाधिकारी पदावर पाठविण्यात आले असून पाणीपुरवठा व स्वच्छता विभागाचे मंत्रालयात असलेले उपसचिव रुपेश जयवंशी यांना मालेगाव मनपाच्या आयुक्त पदावर पाठविण्यात आले आहे. देवेंद्र सिंग यांच्या लातूर जिल्हाधिकारी पदावर नियुक्ती केलेले आदेश रद्द करून बीड  जिल्हाधिकारी पदावर नियुक्ती केली आहे.गडचिरोली येथील सहायक जिल्हाधिकारी आणि गडचिरोली आदिवासी विकास प्रकल्प अधिकारी कौस्तुभ दिवेगावकर यांची जळगाव जिल्हा परिषदेच्या मुख्य कार्यकारी अधिकारी पदावर नियुक्ती केली आहे.