उदयनराजेंच्या भाजप प्रवेशावर चंद्रकांतदादांची गुगली

पुणे : राष्ट्रवादीचे खासदार उदयनराजे यांच्या भाजप प्रवेशाबद्दल मला काहीच माहीत नाही. तुम्हाला माहिती असेल तर सांगा, अशी गुगली महसूलमंत्री चंद्रकांत पाटील यांनी पत्रकारांना टाकली.

पुणे महापालिकेत पाटील आज पहिल्यांदाच आले होेते. विविध खात्यांचा आणि योजनांचा आढावा त्यांनी घेतला. यावेळी झालेल्या पत्रकार परिषदेत त्यांना उदयनराजे यांच्या भाजप प्रवेशाबद्दल विचारले असा त्यांनी कानावर हात ठेवले.

मनसेप्रमुख राज ठाकरे यांच्या ईडी चौकशीवरही प्रश्न विचारले. विरोधकांना काय म्हणायचं ते म्हणू द्या. मात्र कारवाई कायद्याने होणार, असे त्यांनी स्पष्ट केले. अजित पवारांसह इतर गुन्हे दाखल करण्याची प्रक्रिया हि न्यायालयीन आहे, त्यात राजकारण नसल्याचा दावा त्यांनी केला.