भोकर (जि. नांदेड) : कॉंग्रेस पक्षाकडे आता कसलेच ठोस मुद्दे उरले नाहीत ते आता गलितगात्र झाले आहेत. त्यांना भाड्याने माणसे लावून प्रचार करावा लागत आहे. ज्यांना जनतेने घरी बसवल ते अभ्यास न करता आरोप करीत आहेत. महाराष्ट्राचे पाणी गुजरातला देण्यासाठी कॉंग्रेस पक्षाचे सरकार असताना करार झाला होता तो करार मी रद्द केला आहे. गरीबी हटावचा नारा गेल्या पाच पिढ्यांपासून सुरू आहे मात्र त्यांनी गरीबी हटविली नाही असे प्रतिपादन मुख्यमंत्री देवेंद्र फडणवीस यांनी शनिवारी केले.
भाजपा - शिवसेना महायुतीचे उमेदवार प्रताप पाटील चिखलीकर यांच्य प्रचारार्थ शहरातील मोंढा प्रांगणात जाहीर सभा घेण्यात आली. त्या वेळी ते बोलत होते. अशोक चव्हाण यांचा भोकर हा बालेकिल्ला असून या बालेकिल्ल्यात भाजपच्या मुख्यमंत्र्यांनी जाहीर सभा घेत कॉंग्रेस आणि चव्हाण यांच्यावर चौफेर टीका केली. व्यासपीठावर मंत्री बबनराव लोणीकर, माजी मंत्री डॉ. माधव किन्हाळकर, उमेदवार श्री. चिखलीकर, राम पाटील रातोळीकर, ओमप्रकाश पोकर्णा, नागनथ घिसेवाड आदींची उपस्थिती होती.
श्री. फडणवीस म्हणाले, की मोदी सरकारने मागील पाच वर्षांत देशात अनेक लोकाभिमुख योजना राबवून जनतेला दिलासा दिला आहे. जलमंत्रालय योजनेंतर्गत नदीजोड प्रकल्प, वॉटरग्रीडच्या माध्यमातून मराठवाडा दुष्काळ मुक्त करण्याचे काम हाती घेतले आहे. कॉंग्रेस पक्ष केवळ भाषण करीत आहेत. भाजपा मात्र विकास करीत आहे. शेतकरी, सामान्य जनतेच्या हितासाठी झटणारा पक्ष आहे. कॉंग्रेस आपल्या जाहीरनाम्यात लष्कराचे अधिकार काढू, अशी भाषा वापरत आहे. ही बाब गंभीर आहे.
आता होणारी निवडणूक ही देशाची आहे. देशाचा मान सन्मान करणारी आहे. मागील साठ वर्षात कॉंग्रेसने दुराचारी, भ्रष्टाचारी सरकार चालवले. आम्ही पाच वर्षात स्वच्छ पारदर्शी कारभार केला आहे. तेंव्हा जनता मोदीच्या पाठिशी खंबीरपणे उभी आहे. राहूल गांधींना भाषण लिहून द्यावे लागते त्यामुळे ते जे लिहिल आहे तेवढच बोलतात त्यांनी जाहीरनाम्यात जनतेच्या खात्यावर 72 हजार रूपये देवू असा उल्लेख केला. ते कुठून आणणार पैसे याच मात्र त्यांच्याकडे उत्तर नाही.
कॉंग्रेसकडे भाड्याची माणसे
नांदेड लोकसभा मतदार संघात भाजपाचा झंजावात सुरू झाल्याने कॉंग्रेसला भाड्याने टेन्ट हाऊस, खुर्ची, माणसे आणि नेते सुद्धा आणायची पाळी आली आहे. आम्ही फक्त टेन्ट भाड्याने घेतो. राज ठाकरेला जनतेने घरी बसवलं मला मात्र याच जनतेनी खुर्चीवर बसवल आहे. भाड्याच्या लोकांच्या भरवश्‍यावर सत्ता चालवता येत नाही असा टोला मुख्यमंत्री फडणवीस यांनी लगावला आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.