माजी मंत्री सुरेश जैन यांना सात वर्षांची तर देवकरांना पाच वर्षांची शिक्षा

धुळे : जळगाव घरकुल घोटाळा प्रकरणी माजी मंत्री सुरेश जैन यांना सात वर्षांची शिक्षा व शंभर कोटी रूपयांचा दंड न्यायालयाने ठोठावला आहे. या प्रकरणात 49 आरोपी होते. न्या सृष्टी नीळकंठ यांनी आज दुपारी ही शिक्षा सुनावली. आज न्यायालयाचे कामकाज सुरू झाल्यावर त्यांनी पोलिसांना सर्व दोषी व्यक्तींना ताब्यात घ्यायला सांगितले. या प्रकरणात काही अधिकाऱ्यांचाही समावेश आहे. राष्ट्रवादी कॉंग्रेसचे नेते व माजी मंत्री गुलाबराव देवकर यांना पाच वर्षांची शिक्षा, पाच लाख रूपयांचा दंड करण्यात आला आहे. सकाळी न्यायालयाने आदेश दिल्यावर सगळ्यांना ताब्यात घेण्यात आले होते. या प्रकरणाची तक्रार तत्कालिन आयुक्त प्रवीण गेडाम यांनी नोंदवली होती.