मला युती तोडायची नाही; निर्णय भाजपनेच घ्यावा - उद्धव ठाकरे

मुंबई : राज्यात भाजप व शिवसेना यांची असलेली युती तोडायची माझी इच्छा नाही. आता जो काही निर्णय घ्यायचा तो भाजपनेच घ्यावा, असे सांगत शिवसेना पक्षप्रमुख उद्धव ठाकरे यांनी सत्तास्थापनेचा चेंडू भाजपच्या कोर्टात टोलावला आहे. 

शिवसेनेच्या नवनिर्वाचित आमदारांची बैठक आज 'मातोश्री' येथे पार पडली. या बैठकीत बोलताना उद्धव ठाकरे यांनी आपण सकारात्मक असून आपणाला स्वतःला युती तोडण्याची अजिबात इच्छा नाही, असे स्पष्ट केले. लोकसभेच्या वेळी जे काही ठरले होते, तो शब्द भाजपने पाळावा असेही ठाकरे यांनी स्पष्ट केले. शिवसेना मुख्यमंत्रीपदावर ठाम असल्याचेही यावेळी स्पष्ट करण्यात आले. 

दरम्यान, शिवसेनेच्या सर्व आमदारांना आज मुक्कामासाठी रंगशारदा येथे ठेवण्यात येणार आहे. राज्यातल्या सत्ता संघर्षात आपले आमदार एकत्र रहावेत, कुणाला आमदार फोडण्याची संधी मिळू नये हा उद्देश यामागे आहे. दरम्यान,